Пациенттермен өзара әрекеттесу — пациенттер қауымымен жұмыс
Пациенттерге қамқорлықпен қарау – Janssen жұмысының Қазақстандағы, сонымен бірге бүкіл әлемдегі танымал қыры.
Janssen 2018 жылдан бастап Қазақстандағы пациенттер қауымымен жұмысын өзінің ерекше бағыты деп біледі.
Бұл бағыттың стратегиялық міндеті – пациенттер қауымының жоб аларын қолдау және олардың құқықтарын қорғауға жәрдемдесу арқылы пациенттердің емделуге қол жеткізу мүмкіндіктерін кеңейту.
Пациенттердің ұйымдарымен өзара әрекеттесу туралы ереже
Соңғы жылдары пациенттің денсаулық сақтау жүйесіндегі рөлі медициналық қызметтерді алушыдан бастап жоғары деңгейдегі сараптамаға, ынтымақтастыққа қабілетті және дайын болатын серіктеске дейін айтарлықтай өзгерді. Ауру туралы ақпараттың сарапшыларына айнала отырып, пациенттер мен олардың туыстары денсаулық сақтау саласындағы нәтижелерді одан әрі жақсарту үшін осы бірегей және құнды ақпаратты, өнімнің өмірлік циклінің әр кезеңі ндегі жеке тәжірибесімен бөлісуге дайын.
Пациенттердің ұйымдарымен өзара әрекеттесу мақсаттары
Johnson & Johnson пациенттері үнемі назарда, олардан көз жазбауға тырысамыз. Пациентке бет алу – біздің қағидамызға сай келетін және біздің қызметімізді анықтайтын негізгі құндылықтардың бірі.
Біз пациенттермен, олардың туыстарымен және жақындарымен, сондай-ақ пациенттердің ұйымдарымен байланысымыз олардың мүдделерін түсінуде маңызды деп санаймыз, өйткені біз олардың қажеттеріне жарайтын шешімдерді әзірлейміз және ұсынамыз.
Біздің пациенттермен және пациент ұйымдарымен өзара іс-қимылдарымыз терапияда аяғына жеткізілмеген қажеттіліктер туралы хабардан бастап, пациенттер қауымының өкілдерін дәрілік заттарды әзірлеу процесіне тартуға дейінгі әртүрлі деңгейлерде жүреді.
Осы ережеде Johnson & Johnson компаниялар тобының пациент ұйымдарымен өзара іс-қимыл қағидаттары және Janssen, сондай-ақ компания мүдделерін білдірушілер тарапынан осындай өзара іс-қимыл тәсілдемелері баяндалған.
Пациенттердің ұйымдарымен өзара әрекеттесу қағидаттары
Пациент ұйымдарымен өзара іс-қимылдарымызда біз әдеп нормалары мен қарым-қатынастардың ашықтығын қамтамасыз ететін келесі қағидаттарды ұстанамыз.
Өзара іс-қимыл жергілікті заңнамалық актілерге, «Джонсон & Джонсон» Іскерлік мінез-құлық кодексіне, «Johnson & Johnson Kazakhstan» ЖШС тиісті ішкі рәсімдері мен саясаттарына сүйене отырып, сондай-ақ фармацевтика саласының қолданыстағы кодекстеріне сәйкес жүзеге асырылады.
Кез-келген өзара әрекеттесудің мақсаты, ауқымы және қажетті нәтижелері өзара әрекеттесудің бастапқы кезеңінде анықталуы керек.
Өзара іс-қимыл шешім қабылдау саласын қоса алғанда, қызметтің барлық аспектілерінде пациент ұйымдары қызметінің тәуелсіздігін мойындауға және құрметтеуге негізделуі тиіс.
Өзара әрекеттесу пациенттің медицина жұмыскерлерімен қажетті байланысына кедергі болмауы және оны алмастырмауы тиіс.
Өзара әрекеттесу пациенттердің ұйымының мүдделерін білдіретін пациенттер үшін өзара тиімді болуы тиіс.
Пациент ұйымдары мемлекеттік органдармен өзара іс-қимыл деңгейінде пациенттердің мүдделерін тікелей немесе жанама қорғауға қатыса алатын жағдайда пациент ұйымдарының медициналық сақтандыру және емдеуге қол жеткізу мәселелеріндегі хабардарлығын арттыруға бағытталған іс-шаралар мемлекеттік билік органдарымен өзара әрекеттесу бөлігінде пациент ұйымдарының мақсаттарына сәйкес келген және есептілік бойынша ашықтық және міндеттемелерді орындау қағидаттары сақталған жағдайда ғана мүмкін болады.
Пациенттер ұйымымен өзара әрекеттесуде консультациялық және үйлестіру функцияларын орындайтын компания қызметкерлері пациент ұйымының қарым-қатынастар мен мүдделер қақтығысының ашықтығы саласындағы қағидаттарын ұстануы тиіс.
Компания қызметкерлері пациент ұйымдарына «Johnson & Johnson Kazakhstan» ЖШС компани ясының өнімдерін немесе қызметтерін ілгерілетуге сұрау салмау тиіс.
Пациенттердің ұйымдарымен өзара әрекеттесу критерийлері
Біз пациент ұйымдарымен өзара әрекеттесудің тиісті әріптестік қатынастарды анықтау үшін қолданылатын және мақсаттар мен нақты анықталған қажеттіліктер тұтастығына негізделген ынтымақтастықты қамтамасыз ететін нақты критерийлерін әзірледік.
Серіктестік мүмкіндіктерін қарастыра отырып, біз пациенттер ұйымының келесі критерийлерге сәйкестігін бағалаймыз:
Пациент ұйымы қызметінің саласы, оның өзектілігі мен ауқымы;
Пациент ұйымы қызметінің «Johnson & Johnson Kazakhstan» ЖШС операциялық компаниясының стратегиялық басымдықтарына сәйкестігі;
Пациенттер ұйымының пациенттердің құқықтарын қорғауға және терапияға қол жеткізу аясын кеңейтуге бейілділігі немесе ұйымның осы саладағы даму әлеуеті;
Пациенттер ұйымының ұзақ мерзімді ынтымақтастыққа мүдделі сенімді серіктес ретіндегі беделі;
Ұйымның мақсаттары, қызметінің бағыттары, құқықтық жағдайы нақты жазылған жарғылық құжаттардың болуы;
Пациент ұйымының қызметіне қатысты стратегиялық тәсілдеме;
Сұратылған қаржылық қолдау көлемі.
Пациент ұйымдарын қолдау түрлері
«Johnson & Johnson Kazakhstan» ЖШС қолдауды бірнеше тәсілмен жүзеге асырады:
Қайырымдылық көмек сияқты қолдау түрін қоса алғанда, әртүрлі әрекеттерді орындау арқылы ауру туралы хабардарлықты арттыру саласындағы ынтымақтастық;
Пациенттер ұйымының пациенттер мен олардың туыстарының неғұрлым тиімді емге, медициналық қызметтерге және көмекке қол жеткізу құқықтарын қорғау саласындағы қызметіне қолдау көрсету;
Пациенттерге арналған білім беру материалдарын әзірлеудегі өзара көмек;
Білім беру бағдарламалары мен конференцияларды қолдау;
Пациенттерді қолдау бағдарламаларын қаржыландыру және пациенттерге сервис ұсыну.
Үйлестіру және бақылау
Біздің компаниямызда бүкіл әлем бойынша барлық Janssen терапиясының салаларында пациенттердің мүдделерін білдіретін ұйымдармен стратегиялық серіктестік құруға және үйлестіруге пациент ұйымдарымен жұмыс жөніндегі бөлімдер жауап береді.
Пациент ұйымдарымен жұмыс жөніндегі бөлімдердің өкілдері компания жұмыс істейтін әр аймақта бар. Жаһандық үйлестіруді Janssen Пациент ұйымдарымен өзара іс-қимыл жөніндегі жаһандық кеңес және «Johnson & Johnson» Жаһандық денсаулық сақтау саясаты бөлімі жүзеге асырады.