Janssen With Me
open
Choose your language

Көп түрлі миеломасы бар пациенттерге арналған ақпарат

Көп түрлі миелома физикалық тұрғыдан да,
эмоциялық тұрғыдан да сіздің өміріңізге және жай-күйіңізге елеулі
әсерін тигізуі мүмкін.
Көп түрлі миеломасы бар пациенттерге арналған ақпарат

Дәрігерге қаралуды қалай барынша пайдалы қылуға болады?


Дәрігерге қаралар алдында

Сіз дәрігерге қойғыңыз келетін сұрақтарды ойластырып, оларды жазып алыңыз және оларды қабылдауға келгенде өзіңізбен бірге ала келіңіз.

Қаралудың басында осы сұрақтарды өз емдеуші дәрігеріңізге қойыңыз. Қаралудың соңын күтіп отырмаңыз — сол сәтке дейін дәрігерде сұрақтарға жауап беретін уақыт қалмай қалмауы мүмкін.

Сіз отбасыңыздың мүшесіне немесе досыңызға өзіңізбен бірге дәрігердің келесі қабылдауына бару жөнінде осындай мүмкіндікті маманмен алдын ала келісіп алған соң ұсыныс жасай аласыз. Олардың сіздің дәрігермен сұхбатыңыздың жазбасын түсіріп алу мүмкіндігі бар.

Қаралу кезінде

Дәрігердің қабылдау кезінде айтқанының бәрін есте сақтап алу кейде қиын. Сондықтан сіз келесі жолы салыстырып тексеру үшін жазба түсіріп алған дұрыс. Бұдан бөлек, көптеген смартфондарда қазір диктофон функциясы бар. Сізге кеңесудің дыбыстық жазбасын түсіріп алу және оны кейінірек тыңдап шығу қолайлы болуы мүмкін. Сіздердің өзара әңгімеңізді жазып алатыныңыз жөнінде міндетті түрде дәрігерге ескертіңіз.

Кейде кеңес кезінде немесе емдеу барысында сіз өзіңізге бейтаныс медициналық терминдерді естіп қалуыңыз мүмкін. Ондай жағдайларда дәрігерден немесе мейіргерден сізге беймәлім сөздердің мағынасын түсіндіруді өтініңіз.

Көп түрлі миелома симптомдарын емдеу

 

Көп түрлі миеломаның дамуына қарай оның симптомдарының айқындылығы да артуы мүмкін. Симптомдар әртүрлі пациенттерде ерекшеленуі мүмкін. Осындай симптомдарды жеңілдетудің ең көп тиімді тәсілдері бойынша нұсқаулар төменде ұсынылған. Емдеуші дәрігермен немесе мейіргермен, әсіресе, өз жай-күйіңіздің күрт өзгерістері тұсында үнемі кеңесіңіз. Сіз, жалпы алғанда, өмір сапасын жақсартуға арналған профилактикалық шараларды да қабылдай аласыз:

  • Жеткілікті мөлшерде құнарлы тағам жеңіз.
  • Суды көп ішіңіз.
  • Үйден шығарда өз мүмкіндіктеріңізді (физикалық ахуал) есепке алыңыз.
  • Сізде туындайтын барлық симптомдар мен жағымсыз әсерлерді белгілеп алыңыз. Олар жөнінде міндетті түрде өз емдеуші дәрігеріңізге мәлімдеңіз.
Келесі ақпаратты сақтаңыз:
  • ауру тарихының деректері,
  • емдеу сызбалары туралы ақпарат,
  • талдау қорытындылары.

Бұл сізге өз жай-күйіңіз жөнінде өте нақты мағұлұмат алуға көмектеседі.

Бұдан бөлек, бұл ақпарат сіздің жай-күйіңіздің барлық ерекшеліктерімен таныс емес дәрігердің (мысалы, стоматолог) қабылдауында пайдалы болуы мүмкін.

Сүйектердің ауыруын емдеу

 

Сіздің ауруыңыз сүйектер ауыруымен қатар жүруі мүмкін. Ол, әдетте, арқаның, қабырғалардың және жамбас аумағының тұрақты сырқырап ауыруы түрінде көрініс береді. Ауыруды басатын дәрілерді қабылдаудан тыс, сүйектер ауыруын жеңілдетудің басқа да әдістері бар:

  • Қай жерден ауыру сезінсеңіз, сол жерлерге жылытқыш немесе мұзды қабық басыңыз1.
  • Сіз ауыруды барынша аз сезініп отыра алатын немесе жата алатын жайлы қалпыңызды табыңыз. Төсекте жатып, сүйену үшін жастықшаларды пайдаланыңыз.
  • Үрейлену мен стресс деңгейін, олар ауыруды өршітуі мүмкін екендіктен, барынша кемітуге тырысыңыз1 . Сізді толғандыратын сауалдарды туыстарыңыз және достарыңызбен, өз емдеуші дәрігеріңізбен немесе мейіргермен талқылаңыз.
  • Ауыру ұстамасы кезінде жеңіл уқалау босаңсуға көмектесе алады. Тәжірибелі уқалаушы маман қабылдауына жазылыңыз және сізді не мазалайтынын түсіндіріңіз. Толық комплементарлық ем алар алдында үнемі гематологпен кеңесіңіз.
  • Көбірек демалуға және дұрыстап ұйықтауға тырысыңыз.
Егер ауырсынуды жеңілдетудің дағдылы әдісі көмектеспей қойса, не істеу керек?

Оны өз емдеуші дәрігеріңізбен талқылаңыз.

Олар сіздің ауыруды басатын дәріңіздің дозасын түзету немесе ауырсынуды жеңілдетудің басқа әдісін ұсыну үшін дәрігермен немесе мейіргермен сөйлесіңіз.

Міне, сізге өзіңіздің тура қандай ауыру сезінетіңізді дәрігерге түсіндіруге көмектесетін бірнеше кеңес:
Сіз ауыруды қаншалықты қатты сезінесіз?

0-ден 10 дейінгі шкаланы пайдаланыңыз, онда 0 — ауырудың болмауы, ал 10 — шыдатпайтын ауыру.

Сүйектердің ауыруы тап қай жерде және қашан туындайды?

Ауыру ұстамасы қаншалықты ұзаққа созылады және ондай ұстамалар қаншалықты жиі байқалады?

Бұл қысқа мерзімді ұстама немесе тұрақты ауыру ма?

Сіз нақты қандай ауыруды сезінесіз:

Тұрақты сырқырайтын немесе кенеттен жедел ауыруды ма?

Невралгияны емдеу

 

Невралгия — көп түрлі миеломаның болжамды симптомдарының бірі, сонымен қатар, кейбір емдеу әдістерінің болжамды жағымсыз әсерлерінің бірі23.

Невралгияны шеткері нейропатия деп те атайды. Ол келесі симптомдармен қатар жүреді:34

  • шаншуды немесе шымылдауды сезіну;
  • температураға жоғары сезімталдық;
  • қол басының және табанның ұйып қалуы немесе әлсіреуі.
Невралгия кезіндегі ауыруды жеңілдету әдістері
  • Қолдың басын және табанды жылы ұстаңыз.
  • Жеңіл жамылғымен ұйықтаңыз: ол аяқтағы қысымды төмендетуге мүмкіндік береді және ұйықтау кезіндегі қимылды аздап шектейді.
  • Пышақ немее қайшы сияқты өткір заттарды пайдаланғанда сақтық шарасын қадағалаңыз.Қолдың ұйып қалуы заттарды ұстау қабілетіне ықпал етуі мүмкін.
  • Аяқ ауыруының профилактикасы үшін ыңғайлы аяқ киім киіңіз және табаныңызда қызарған жерлер немесе сүйелдер бар-жоғын күнделікті қарап тексеріңіз.
  • Су бұлауын немесе себезгісін қабылдамас бұрын судың температурасын тексеріңіз. Су тым ыстық болмауы тиіс. Су бұлауына арналған термометрді пайдаланыңыз немесе жақындарыңыздың біреуінен су температурасын тексеруді өтініңіз.
  • Қан айналымын жақсарту үшін жүктемесі жеңіл дене жаттығуларын жасаңыз, мысалы, жаяу жүріңіз.
  • Шылым шегуді тастауға тырысыңыз.
  • Таяқ немесе жүруге арналған тірек арбалар сияқты қосалқы құралдарды пайдалану мүмкіндігін қарастырыңыз. Олар күнделікті істеріңізді ретті орындауға көмектесе алады.

Қатты қалжырауды емдеу

 

Қатты қалжырау — көп түрлі миеломаның кең таралған симптомы, сондай-ақ кейбір емдеу әдістерінің болжамды жағымсыз әсерлерінің бірі5. Миелома эритроциттер санының төмендеуімен де қатар жүруі мүмкін, бұл анемияға (эритроциттер санының төмендеуінен боалтын темір тапшылығына) алып келеді5.

Шектен тыз тез қалжырау анемия симптомы болуы мүмкін35. Қатты қалжыраудың келесі көріністері болуы мүмкін5:

  • Шамадан тыс діңкенің құрып кетуі,
  • ентігу,
  • жадының нашарлауы,
  • көңіл-күйдің жабырқауы,
  • зейін қоюдың төмендеуі,
  • ұйқының бұзылуы.

Егер сіз осыған ұқсас симптомдарды байқасаңыз, олар жөнінде міндетті түрде дәрігерге хабарлаңыз.

Қатты қалжыраумен қалай күресу керек
  • Теңестірілген диета ұстаныңыз, темір мөлшері жоғары өнімдерді таңдаңыз. Көп су ішіңіз. Егер сізде тамақтану дағдысының бұзылысы байқалса, емдеуші дәрігерден сізді диетологқа жіберуді өтініңіз.
  • Ұйқы қану керек және күн сайын белгілі бір уақытта жатып, тұру үшін күн режимін белгілеңіз.
  • Күнделікті дене жаттығуларын орындаңыз — бұл қуат деңгейін елеулі арттыра алады.
  • Өз күніңізді жоспарлаңыз, күнделікті істерге де, тынығуға да көңіл бөліңіз.

Инфекциялар қаупін төмендету

 

Көп түрлі миелома иммундық жүйеге (организмді инфекциялар мен аурулардан қорғайтын табиғи жүйеге) ықпал етеді. Көп түрлі миеломаны емдеуге арналған кейбір препараттар да иммундық жүйені әлсіретуі мүмкін. Бұл сіздің инфекцияларға ерекше сезімтал болып кетуіңіз мүмкін екенін білдіреді34.

Инфекция, әдетте, температураның көтерілуімен (38 °C-ден жоғары) көрініс береді, бірақ басқа да симптомдары болуы мүмкін:45

  • дімкәстану,
  • қалтырау,
  • жөтел,
  • тамақтың ауыруы,
  • диарея,
  • жарақат айналасының қызаруы немесе ісінуі.

Инфекцияның қандай да бір белгілері пайда болғанда бұл жөнінде дереу мейіргерге немесе дәрігерге мәлімдеңіз.

Инфекция қаупін қалай төмендету керек
  • Қолыңызды үнемі жуып жүріңіз және ауыз, мұрын және көзді ұстамауға тырысыңыз. Үйден шығарда, үнемі өзіңізбен бірге спирт (60%-дан кем емес) негізіндегі қолға арналған антисептикалық гель алып жүріңіз және оны қажет болғанда пайдаланыңыз.
  • Желшешек, COVID-19 немесе тұмау сияқты инфекциялық ауруға таяуда шалдыққан немесе қазіргі уақытта ауырып жүрген адамдармен байланысқа түспеуге тырысыңыз.

Бүйрек тарапынан бұзылуларды емдеу

 

Көп түрлі миелома өз алдына бүйрек функциясының негізгі бұзылу себебі болып табылады. Бұдан бөлек, кейбір дәрілік препараттар бүйректің жағдайына ықпал етуі мүмкін. Бүйрек функциясы бұзылуының болжамды симптомдарына үнемі шөлдеу сезімі, жүрек айну және несеп шығаруға жиі қысылу жатады6.

Бүйректі қалай қорғау керек
  • Сусыздануға жол бермеңіз және күнделікті 2-3 литр су ішуге тырысыңыз (егер сіздің дәрігеріңіз басқаша нұсқалар бермеген болса). Егер сіз диализ алып жүрсеңіз, бұл жөнінде емдеуші дәрігерге немесе мейіргерге мәлімдеңіз.

Ауру түрткі болатын эмоцияларды қалай тізгіндеу керек?

 

Сізде көп түрлі миелома, сенімсіздік сезімі және кері эмоциялар диагностикаланса — толығымен табиғи реакция. Сіз абыржу, үрей, жабырқау мен тіпті ызалануды сезінуіңіз мүмкін және сізде адамдармен араласу ниетіңіз жоғалып кетуі мүмкін. Үнемі осылай бола бермейді, алайда ондай эмоцияларды түсіндіруге де, түсінуге де болады. Сіз әркім өзінше реакция беретін күрделі ахуалда қалдыңыз. Егер сіз аурумен немесе емдеумен байланысты үрей сезінсеңіз, оны міндетті түрде өзіңізді емдеуге қатысатын медициналық қызметкерлердің біреуімен талқылаңыз.

Айтса, айтқандай, «білім — күш». Сіз ақпаратты қанша көп алсаңыз, сіздің жағдайды бақылауда ұстап отырғаныңыз сонша күштірек сезіледі. Осылайша сізге таразыланған шешімдер қабылдау оңайырақ болады.7

  • Мен үшін, шын мәнінде, не маңызды?
  • Мен өз өмірімнің сапасын бүгіннен бастап жақсарту үшін не істей аламын?
  • Мен туыстармен және достармен бірге көбірек уақыт өткізу үшін не істей аламын?
  • Мен өз әуестігім мен қызығушылықтарыма көп уақыт арнай аламын ба?
  • Мен не нәрсеге үміт арта аламын?
  • Менің босаңсуыма не көмектесе алады?
  • Мен демалыс сәтттеріндегі жайлы ахуалды арттыру үшін қандай жаттығулар жасай аламын?

Бүгінгі күнмен өмір сүріңіз. Сіз зейініңізді жорамалдау мүмкін болмайтын нәрсеге емес, осы жерде және тура қазір бақылау мүмкін болатын жайтқа және өз өміріңіздің сапасына шоғырландырыңыз.

Жақсы күндерде сіз өзіңіздің алдыңызға шағын мақсаттар немесе орындалатын міндеттер қоя аласыз: мысалы, серуенге шығу немесе досыңызбен телефон арқылы тілдесу. Әрқашан бір нәрсемен шұғылдану үшін күрделі емес міндеттердің тізімін құрастырыңыз. Күн сайын орындалған міндеттерді сызып отырыңыз.

Егер сізге бір нәрсені істеудің сәті түспесе, осы міндетті ертеңге ауыстырыңыз. Ең бастысы — өз өміріңізге бір мезгілде көп өзгеріс енгізбеуге тырысыңыз.

Күнделік сізге өзіндік сезімдеріңізді тізгіндеп отыруға көмектеседі. Сізге оның бетіне туындайтын симптомдар немесе жағымсыз әсерлер туралы да жазып отыруыңызға болады.

Кейде көп түрлі миеломамен тіршілік ету және оның көп түрлі симптомдарын қалыпқа түсіру өте қиын болады.

Сіз осындай ахуалды бастан кешірген адамдармен тәжірибе алмасу үшін пациенттік ұйыммен жалғасуыңызға болады:

«Гемобластоздармен науқас мүгедектер қауымдастығы» республикалық қоғамдық бірлестігі

E-mail: gemoblastoz@mail.ru

Бұл - практикалық та, эмоциялық та қолдау көрсететін тамаша бастау.

Өз ауруыңызды, еміңізді және сізді мазалайтын нәрсенің бәрін өз туыстарыңызбен талқылағанда ашық болыңыз.

Олар сізді қанша жақсы түсінген сайын сізге сонша көп қолдау көрсете алады.

Оларға сізде туындаған сауалдар мен күмәндар жақсы таныс. Бұдан бөлек, олар шын мәнінде бағалы қолдау көрсетуі мүмкін.

Стресс немесе жағымсыз эмоциялар депрессияға ұласа бастайтын сәтті жіберіп алмау өте маңызды. Егер бұл сіздің басыңызда болса, бұл жөнінде міндетті түрде емдеуші дәрігерге немесе мейіргерге мәлімдеңіз.

Олар сізді қажетті көмек көрсететін психолог немесе психиатрға жолдайды.

  • сізге ұйықтап кету қиын;
  • сіз ештеңеге зейін қоя алмайсыз;
  • сізде көптеген істерге қызығушылық жоғалып кетеді.7

Кейде сіздегі депрессияның себебі неден екенін достарыңыз немесе отбасы мүшелері түсінбей қалады. Олармен ашық әрі адал сөйлесіңіз және олардың тарапынан осындай адалдық күтетініңізді ұқтырыңыз.

Тәжірибе алмасыңыз

Қойылған диагноз және емдеу сізді басқа адамға айналдырмайды, алайда, өзіндік өмір салтыңызға өте маңызды мәнге ие болуы мүмкін орындалатын аздаған өзгерістер енгізуге болады. Осы өзгерістерді де емдеуші дәрігермен немесе мейіргермен талқылау керек.

Пайдалы оң өзгерістер сіздегі өмір сүру сапасын жақсарта алады
  • Дұрыс тамақтаныңыз.
  • Жеткілікті су ішіңіз (егер сізде бүйрек функциясының бұзылуы диагностикаланса, әрқашан гематологпен кеңесіңіз).
  • Алкоголь тұтынуды шектеңіз.
  • Мүмкіндігіңізге қарай, белсенді өмір салтын ұстаныңыз.
  • Босаңсу әдістемесін қолданыңыз.
  • Жәрдемді үйде қабылдаңыз.

Сіз дімкәстану немесе стресс сезініп жүрсеңіз, дұрыс тамақтану қиынға түседі.

Емдеу курсы кезінде және одан кейін бұл одан да қиын бола беруі мүмкін8.

Кейбір препараттар мен емдеу әдістері дәм сезу түйсіктеріне ықпал етуі мүмкін, бұл тәбет жоғалтуға алып келеді8.

Емдеу сіздің тамақтану дағдыларыңызға және дәм сезу түйсіктеріңізге ықпал ете ме, етпей ме? Егер оң ықпал етсе, мәселені шешудің мүмкін болатын тәсілі — сіз өзіңізді әбден жақсы сезінгенше әр 2-3 сағат сайын аздаған бөліктермен ауқаттаныңыз.

Салауатты тамақтану дегеніміз не?

Емдеуші дәрігер немесе диетолог сізге кейбір тамақтану дағдыларыңызды өзгертуге кеңес беруі мүмкін. Мысалы, кейбір өнімдер (теңіз өнімдері немесе пастерленбеген ірімшіктер) иммундық жүйесі әлсіреген адамдарда инфекциялардың даму қаупімен байланысты, сондықтан олардан бас тартқан дұрыс8. Басқа өнімдер, керісінше, сіз үшін ерекше пайдалы, өйткені олар (дәрумендер мен минералдық заттар мөлшері жоғары өнімдер) иммунитеттің нығаюына ықпал етеді немесе күш береді (нан, макарон өнімдері)8.

Тәбет төмендеп кеткенде мейіргер немесе диетолог сізге өз рационыңызға құнарлы тағамды қалай барынша тиімді қосу керектігі жөнінде кеңес береді. Сізге тамақтанулар арасында тағам қоспаларын қабылдауға кеңес берілуі мүмкін3.

Салауатты тамақтанудың маңызы аса зор, бірақ ас ішуден рахат табудың да маңызы аз емес

Істің мәнісі – дұрыс теңгерімде. Төмендегі кестеде сіздің тамақтану рационыңыздың қандай компоненттерден құралатыны көрсетілген. Қант және (немесе) май мөлшері жоғары өнімдердің сіздің рационыңыздың ең аз бөлігін құрауы тиіс екеніне көңіл бөліңіз. Суды жеткілікті мөлшерде ішуді және алкоголь тұтынуды шектеуді ұмытпаңыз.

Жүктемесі жеңіл дене жаттығулары (жүру немесе йога сияқты) —59

  • өзіңді жақсы сезіну;
  • эмоцияларды оңай тізгіндеу;
  • жақсы ұйықтау үшін ең тиімді тәсіл.

Өз денеңізге ден қойыңыз және ахуалыңыз қалыпты болмаса, өзіңізден тым көп нәрсе талап етпеңіз. Егер жаттығулар ауырсыну тудырса, дереу оларды жасауды тоқтатыңыз. Дене жаттығуларының қандай типі сізге сай келетінін емдеуші дәрігермен немесе мейіргермен талқылаңыз.

Стресс күйін басатын қарапайым тәсілді табыңыз. Өзіңізді жақсырақ сезіну үшін досыңызбен сырласуға, сүйікті саздарыңызды тыңдауға немесе босаңсуға берілуге болады. Босаңсуды сезіну міндетті түрде дене жүктемесінен кейін туындамайды. Көптеген адамдар музыка тыңдап немесе басқа әдістерді пайдаланып, босаңсуға беріледі. Босаңсу әдістемесі тым күрделі болмауы аса маңызды. Егер сіз психологқа немесе психотерапевтке барып жүрсеңіз, оларға көп түрлі миеломадан зардап шегіп жүргеніңізді баяндаңыз. Сіз қолайлы әдістемені таңдап алғанда күн сайын кемінде 20 минут босаңсуға берілуге тырысыңыз. Сіз қанша көп тәжірибе жинақтасаңыз, сіздің босаңсу күйіне жетуіңіз оңай әрі тиімді.

Босаңсуға дайындалу
  • Ұмытып қалмау және ешқайда асықпау үшін уақытты алдын ала жоспарлаңыз.
  • Сізге ешкім кедергі келтірмейтіндей тыныш жылы орынжайды таңдаңыз. Телефонды өшіріңіз немесе оны дыбыссыз режимге көшіріңіз. Ыңғайлы қалыпқа көшіңіз және көзіңізді жұмыңыз.
  • Тағайындалған емдеумен қатар, сіз өзіңізге босаңсуға көмектесетін қосымша препараттарды қабылдай аласыз. Дегенмен де, тағайындалған дәрілік препаратпен өзара әрекеттесу болмайтынына көз жеткізу үшін оларды қабылдауды емдеуші дәрігермен алдын ала талқылап алу маңызды.
Өзара көмек топтары

Егер сізде көп түрлі миелома диагностикаланса, сіздің жалғыз еместігіңізді есте сақтаңыз. Пациенттік ұйымдардың немесе қайырымдылық қорларының базасында жиі құрылатын өзара көмек топтарында сізге осындай жағдайда жүрген және сізді түсінетін көптеген миеломасы бар басқа пациенттерден қолдау мен кеңес алуға болады. Осындай топтарда сіз өзіндік тәжірибеңізбен бөлісе де аласыз. Егер сіз тұрып жатқан жерде миеломасы бар пациенттерге арналған арнайы өзара көмек топтары болмаса, қан аурулары бар пациенттерге арналған ортақ топты табуға тырысыңыз. Ондай топтар, көп түрлі миеломаны қоса, қатерлі қан аурулары бар барлық пациенттер үшін ашық.

Егер сізге үйден шығу қиын болса немесе үнемі біреумен тілдесу мүмкін болмаса, өзара көмекке арналған онлайн-топтар да ақпарат беру мен қолдау көрсетудің баға жеткісіз көзі бола алады.

Маман кеңестері

Көп түрлі миелома бар көптеген пациенттер стресс, депрессия және кәсіби медициналық көмекті талап ететін басқа күрделі психологиялық тығырықтарға тіреледі5.

Егер сіз өзіңізді көмекке мұқтаж сияқты сезінсеңіз, міндетті түрде емдеуші дәрігерден сізге сай келетін маманға жолдауды өтініңіз. Егер сіз емдеуші дәрігерге өзіңіздің эмоциялық ахуалыңыз жөнінде жүйелі түрде баяндап тұрсаңыз, бұл оған маманмен кеңесу қажеттілігін бағалауға мүмкіндік береді.

Емдеудің маңызы

Донна Уильямс «Ашу»

Суреттің авторы – онкологиялық емделуші.

Емдеу режимін қадағалау

Емдеуші дәрігер сізге өз жай-күйіңізді жақсартуға мүмкіндік беретін дәрілік препаратты тағайындады. Егер сіз оны емдеуші дәрігер нұсқауларына сай қабылдасаңыз, сіздің емдеу режимін қадағалағаныңыз (емдеуге бейілділікті сақтағаныңыз) болып саналады1011.

Дәрілік препарат әсер ету үшін оны тиісті үлгіде және керек уақытында қабылдау керек.

Тәжірибе жүзінде емдеу режимін қадағалау дегеніміз мынаны білдіреді:111213
  • Препаратты керекті дозада қабылдау
  • Препаратты керек уақытта қабылдау
  • Дәрілік препаратпен болжамды жағымсыз өзара әрекеттесуден сақтану үшін белгілі бір өнімдер және (немесе) сусындардан бас тарту.
Емдеу режимін қадағаламау

Егер сіз дәрілік препаратты тағайындалуы бойынша қабылдамасаңыз, сіздің емдеу режимін қадағаламағаныңыз болып саналады1112. Бұл мыналарды білдіреді:

  • сіз препараттың дұрыс емес дозасын қабылдап жүрсіз (мысалы, дозаны өткізіп алдыңыз, өйткені препаратты қабылдауды ұмытып кеттіңіз);
  • сіз препараттың дұрыс емес уақытта қабылдап жүрсіз;
  • сіз төл бастамаңыз бойынша емдеуді тоқтатыңыз;
  • сіз дәрілік препаратпен өзара әрекеттесетін өнімдер және (немесе) сусындар тұтынып жүрсіз.
Емдеу режимін қадағаламаумен байланысты қауіптер қандай?

Егер сіз емдеу режимін қадағаламасаңыз, мынаны есте сақтау қажет1214:

  • Сізге тағайындалған дәрілік препараттың тиімділігі аз болады;
  • жағымсыз әсерлердің даму қаупі артады;
  • асқынулардың даму қаупі артады.
Емдеу режимін қадағаламау мына жағдайларға алып келуі мүмкін:121415
  • ауруды бақылап отыру қиындап кетеді;
  • сіздің ауруыңыз өршіп кетеді;
  • ағымдағы симптомдар айқын біліне түседі;
  • сіз ауруханаға түсіп қалуыңыз мүмкін, ал емдеу режимі қадағаланса, осы тұйыққа тұтылмауға болар еді;
  • сіздің өміріңіздің сапасы төмендеп, күтілетін өмір сүру ұзақтығы қысқаруы мүмкін.

Емдеу режимін қадағаламау немен байланысты?1112

Емдеу режимін қадағаламаудың көптеген себептері бар.

Препаратты қашан қабылдау керегін есте сақтау қиын

Сізде емдеу сызбасы күрделі және сізге осы немесе өзге препаратты қашан қабылдау керек екенін есте сақтау қиын болуы мүмкін.

Сізден не талап етілетінін түсіну қиын

Сізден нақты не талап етілетінін және оны қашан істеу керек екенін түсіну қиын болуы мүмкін.

Жағымсыз әсерлер

Сізді болуы мүмкін жағымсыз әсерлер мазалайтындықтан, сіз тағайындалған дәрілік препаратты қабылдамағансыз.

Сіз өзіңізді жақсы сезінсеңіз

Сізге ауру бақылаусыз және дәрі-дәрмексіз жақсы жазылатын сияқты көрінеді.

Күрделі емдеу сызбасы

Сізге, осымен қатар,

  • диабет,
  • жоғары артериялық қысым,
  • жүрек-қантамырлық аурулар

сияқты басқа ауруларды емдеуге арналған препараттарды қабылдауға тура келетіндіктен, Сізге емдеу сызбасын ретпен түсіну қиын.

Әңгіме емдеу режимін қадағалау туралы болғанда қарастырылатын дәрілік препараттар типтері мыналарды қамтиды:

  • таблеткалар;
  • ингаляциялық препараттар, мысалы, демікпеде;
  • инъекциялық препараттар, мысалы, диабетте;
  • тамызатын дәрілер;
  • шәрбаттар;
  • жақпамайлар.

Сіз кейде дәрі-дәрмек қабылдауды ұмытып кетесіз бе немесе осылай болады деп қорқасыз ба? Міне, сізге дәрі қабылдайтын уақыт болғанын еске түсіруге көмектесетін бірнеше пайдалы кеңес.

Таблеткаларға арналған контейнерді пайдаланыңыз

Таблеткаларға арналған контейнерлер сіздің дәріні қабылдаған-қабылдамағаныңызды қадағалауға көмектеседі. Олар тәулігіне әртүрлі уақытта бірнеше таблетка қабылдап жүрген адамдар үшін пайдалы. Таблеткаларға арналған контейнерді сөмкеге немесе қалтаға оңай салуға болады, сондықтан оны өзіңізбен бірге сапарларға алып жүру ыңғайлы. Таблеткаларға арналған контейнерлерді дәріханалар мен супермаркеттерден табу оңай. Таблеткаларға арналған контейнерді пайдалануды бастар алдында, кейбір таблеткалар ылғалға ерекше сезімтал болғандықтан, фармацевтпен кеңесіңіз.

Күнтізбені немесе күнделікті пайдаланыңыз

Осы немесе өзге препаратты қабылдайтын уақыт туралы белгі қойып қою үшін сізге қағаз күнтізбені немесе күнделік пайдалануға болады. Онымен жүйелі айналысуды және әр жолы сіздің дәріні қабылдағаныңызды белгілеп қоюды ұмытпаңыз. Мысалы, сіз оны белгілі бір уақытта немесе белгілі бір міндетті орындау кезінде жүзеге асыра аласыз.

Жолға қойылған тәртіпті орнықтыру маңызды, бұл сізге дәріні қабылдау қажеттілігі жөнінде дер мезгілінде еске түсіруге мүмкіндік береді. Ең бастысы — тура сізге сай келетін әдісті таңдау.

Телефонды пайдаланыңыз

Сізге өзіңіздің ұялы телефоныңызға немесе смартфонда жадынама орнатып қоюға болады.

Дәрі-дәрмек қабылдауды белгілі бір күнделікті қызметпен үйлестіріңіз

Дәрі-дәрмекті сіз белгілі бір күнделікті қызметпен айналысып, мысалы, тіс тазалау кезінде де қабылдаңыз. Олар туралы ұмытпау үшін дәрілерді үнемі көзге көрінетін жерде ұстаңыз, бірақ бұл ретте балаларға және үй жануарларына қолжетімсіз орынды таңдаңыз.

Туыстарыңыздан немесе достарыңыздан сізге дәрі қабылдау керегін еске түсіруді өтініңіз

Көптеген сіздің достарыңыз және туысқандарыңыз да дәрі-дәрмектер қабылдап жүреді. Сіздерге осы мақсатта бірігу және дәрі қабылдайтын уақыт келгенін бір-біріңіздің есіңізге түсіру ыңғайлы болуы мүмкін.

Сіз жалғыз тұрасыз ба? Сіз досыңыздан және туысқаныңыздан өзіңізге әр таңертеңгілік немесе әр кешкілік еске салатын СМС хабарламасын жіберуді өтіне аласыз.

Тағы да сіздің барлық дәрілеріңізді қабылдау кестесі жазылған үлкен плакат жасап, іліп қоюға болады.

Емдеуші дәрігерден өзіңіздің емдеу сызбаңызды оңайлатуды өтініңіз

Сіз, күш салуыңызға қарамастан, осы немесе өзге препаратты қашан қабылдау керек екенін есте ұстай алмайсыз ба? Оны емдеуші дәрігермен талқылаңыз. Болжамды түрде, сіздің емдеу сызбаңызды оңайлату мүмкіндігі бар. Мысалы, сізге тәулігіне 2-3 рет қабылдау керек болатын препараттан небәрі тәулігіне бір рет қабылдау керек препаратқа ауысуға болады.

Егер сізде қандай да бір жағымсыз реакциялар пайда болса, бұл жөнінде өз емдеуші дәрігеріңізге немесе мейіргерге баяндаңыз.

Бұл препаратты қоладну жөніндегі нұсқаулықта көрсетілмеген жағымсыз реакцияларға да қатысты. Жағымсыз реакциялар жөнінде хабарлай отырып, сіз дәрілік препараттардың қауіпсіздігі жөнінде ақпарат жинауға көмектесесіз.

Соңғы жаңартылған күні September 2, 2024 — EM-163869

Сайт компанияның Қазақстандағы және әлемдегі қызметі туралы кең аудиторияға ақпарат беруге арналған.

© «Johnson & Johnson Kazakhstan», Қазақстан, 2024.

Сайтты жариялаған «Johnson & Johnson Kazakhstan» ЖШС оның мазмұнына толық жауап береді.


Материалдағы ақпарат денсаулық сақтау маманының кеңесін алмастырмайды. Емдеуші дәрігерге жолығыңыз.

Logo Janssen | Pharmaceutical Companies of Johnson & Johnson
Форма политики конфиденциальности JWM
Политика в отношении файлов cookie
Правовые положения JWM