Choose your language

Көп түрлі миелома

Сізге «Көп түрлі миелома» диагнозы қойылса,
қорқыныш пен ыза — мейлінше табиғи реакция.
Бұл сезімдер ақпараттың жеткіліксіздігінен ширығып кетуі мүмкін,
сондықтан көп түрлі миелома дегеніміз
не және оны емдеу мүмкіндіктері қандай деген тақырыпты
түсініп алу өте маңызды.

Егер сіз білімдермен қаруланған болсаңыз, олар сізге күн өткен сайын ауруды жеңіп шығуға көмектеседі.

Мағлұматтану — тиімді емдеу жолдарына бастайтын алғашқы қадам.

Осы сайттағы ақпарат сізге аталған ауру жөнінде жалпы түсінік алуға және ең көп таралған сұрақтарға берілетін жауаптарды білуге көмектеседі. Дегенмен де, толығырақ ақпарат алу үшін, бірінші кезекте, өз емдеуші гематолог-дәрігеріңізге қаралу керек екенін ұмытпаңыз.

Диагностика және талдаулар түрлері

Көп түрлі миеломаны диагностикалауға арналған талдаулардың бірнеше түрі бар. Бұл ауруды өз бетінше де, бір-бірімен біріктірілімде де қолдануға болатын төменде көрсетілген әдістермен диагностикалауға болады:

Қан талдауы¹²³

Көп түрлі миеломаны көбіне қан талдауларының қорытындылары бойынша диагностикалайды. Аталған ауруды анықтауға мүмкіндік беретін талдаудың негізгі түрі электрофорез деп аталады. Бұл – қан ақуыздарының талдауы. Ол қандағы иммуноглобулиндер (антиденелер) деңгейінің жоғарылауын анықтауға мүмкіндік береді. Қалып шегінен асып кететін деңгейлер көп түрлі миеломаның болуы мүмкін екенін көрсетеді.

Электрофорез әдісімен талдау үшін несеп үлгісін де пайдалануға болады. Бұл иммуноглобулиндердің бір бөлігінің көптеген жағдайларда несептен табылуына байланысты.

Қан талдауы келесі жайттарды алдын ала анықтауға мүмкіндік береді:

анемияның ауырлық дәрежесі,
тромбоцитопения болуы (қан ұюының бұзылуы),
бүйрек функциясының бұзылуларының болуы,
кальций деңгейі.

Осы көрсеткіштердің бәрі диагнозды растауға және емдеудің ең тиімді курсын белгілеуге көмектеседі.

Сүйек тінін талдау¹³

Сүйектердің рентгенограммасы сүйек тінінің өзгерістерін және сүйек зақымдануының (сүйек ошақтары деп аталатын) болуын анықтауға мүмкіндік береді. Бәрінен жиірек сүйек қаңқасының келесі бөлімдеріне рентгенологиялық зерттеу жүргізіледі:

бассүйек сүйектері,
омыртқа сүйектері,
қабырғалар,
жамбас сүйектері,
иық сүйектері,
ортан жілік сүйектері.

Магнитті-резонансты томография (МРТ),
компьютерлік томография (КТ),
позитронды-эмиссиялық томография (ПЭТ)

сияқты басқа бейнелеу әдістерін де пайдалануға болады.

Бұл әдістер, стандартты рентгенологиялық зерттеуге қарағанда, көбірек сезімталдығымен ерекшеленеді, сонымен қатар аурудың басқа ағзаларға қалай әсер ететінін анықтауға мүмкіндік береді.

Сүйек кемігін талдау ¹²³

Сүйек кемігін талдауға арналған үлгіні келесі тәсілдермен алуға болады:

сүйек кемігінің сұйық бөлігінің аздаған үлгісін алу (аспирация) немесе
тіннің шағын бөлігін хирургиялық жолмен алып тастау (биопсия).

Екі типтің де үлгілері, әдетте, жамбас сүйегінен үлкен ине арқылы алынады. Осындай талдау сүйек кемігіндегі ісік жасушаларының болуын және мөлшерін анықтауға мүмкіндік береді.

Алынған үлгілерді цитогенездік талдау үшін де пайдалануға болады. Ол in situ (FISH) флуоресцентті будандастыру әдісімен орындалады. Бұл талдау миелома жасушаларының ДНҚ-сында белгілі бір өзгерістердің болуын анықтауға мүмкіндік береді.

Бұл талдау сонымен қатар пайдалы да, өйткені оны емдеудің ерекше тәсілін талап ететін аурудың аса қарқынды ағымын көрсететін генетикалық өзгерістерді анықтауға болады.

Көп түрлі миеломаны жіктеу және оның кезеңдері

Сіз миеломаға қатысты әр түрлі топтарға; әр түрлі кезеңдерге бөлуге болатынын байқаған боларсыз.

Бұл бір ғана нәрсе емес.

Жіктеу

Жіктеуде аурудың немесе жай-күй топтарын анықтау көзделеді.

Аурудың кезеңі

Кезең аурудың ауырлық дәрежесін сипаттайды.

Емдеудің ең қолайлы әдісін анықтау барысында аурудың тобы да, сатысы да ескеріледі.

Жіктеу

Генезі түсініксіз моноклонды гаммапатия (ГТMГ)⁴⁵

Егер сізге ГТMГ диагнозы қойылса, бұл сүйек кемігіндегі М ақуызының мөлшері тіптен төмен екенін және оның қандай да бір симптомдардың дамуына немесе ағзалар зақымдануына әкелмегенін білдіреді.

Бұл 50 жастан асқан шамадағы 100 адамға 3-4 жағдайда байқалатын кең таралған ахуал. Аталған жай-күйдің даму жиілігі жас ұлғаюымен артады.

ГТMГ белсенді миеломаға дейін үдеуі мүмкін, алайда бұл сирек болады. ГТMГ жеңіл дәрежедегі қалып шегінен биологиялық ауытқу ретінде қарастырылады. Оны қадағалап отыру керек, бірақ, ол әдетте емдеуді талап етпейді.

Жеке плазмоцитома ²⁴⁶

Сирек жағдайларда дара зақымдану ошағы (ісікті миелома жасушаларының тобы) байқалады. Көптеген жағдайларда бұл – сүйек кемігі құрамының қалып шегінен ауытқу белгілері жоқ сүйек ошақтары. Әртүрлі емдеу әдістері болуы мүмкін, алайда бәрінен жиірек сәулемен ем қолданылады.

Белсенді миелома немесе клиникалық көріністерімен миелома ²

Белсенді миелома немесе клиникалық көріністері бар миелома сүйек кемігіндегі ақуыздар мен плазмалық жасушалар деңгейінің қалып шегінен ауытқуы да, сүйектер мен әртүрлі ағзалардың, мысалы, бүйректің зақымдануы да болып сипатталады.

Симптомсыз немесе «өшуге айналған»/секреция бөлмейтін миелома ⁴⁵

Симптомсыз немесе «өшуге айналған»/секреция бөлмейтін миелома келесі белгілермен сипатталады:

қандағы М ақуызының төмен немесе
сүйек кемігіндегі плазмалық жасушалардың 10%-дан астам деңгейлері.

Осы ауру кезінде:

ағзалардың зақымдану белгілері жоқ,
анемия жоқ,
сүйек ошақтары жоқ,
гиперкальциемия жоқ,
бүйректің қалыпты функциясы сақталады.

Көптеген жағдайларда симптомсыз немесе «өшуге айналған»/секреция бөлмейтін миелома бар пациенттерге емдеу қажет болмайды. Дегенмен де, осындай пациенттер аурудың үдеу мүмкіндігін бақылап отыру үшін міндетті түрде дәрігердің қадағалауында болуы тиіс. Кейбір жағдайларда қосымша тексерулер миеломаның өте күрделі түрінің жылдам даму қаупінің жоғары болуын көрсетеді. Ондай оқиғада дәрігер емдеуді дереу бастау шешімін қабылдауы мүмкін.

Миелома кезеңдері ¹²

Тиісті емдеу тағайындау үшін миелома кезеңін анықтап алу аса маңызды. Миелома кезеңдерін анықтаудың ең кең тараған құралы — Халықаралық кезеңдерге бөлу жүйесі (ISS). Осы жүйеде қандағы екі нақты ақуыздың деңгейлері ескеріледі, олардың негізінде миеломаның 1, 2 немесе 3 кезеңі анықталады.

Сіздің дәрігерлеріңіз

Сізге «көп түрлі миелома» диагнозы қойылғанда, сіз өзіңізді бұрын ешқашан болып көрмегендей жалғыз сезінуіңіз мүмкін. Дегенмен де, есіңізде болсын, бұл жолдың әр сатысында сіздің жаныңызда тек достарыңыз бен жақындарыңыз ғана емес, сонымен қатар маман дәрігерлердің ұжымдық тобы да болады.

Көп түрлі миеломаны емдеу жөніндегі мамандар тобы «тәртіптеме аралық» деп аталады, өйткені оған сіздің ауруыңызбен бірге күресетін әртүрлі мамандығы бар дәрігерлер кіреді. Егер сіз олардың рөлдері мен міндеттерінің қалай жүзеге асырылатынын жақсы түсінсеңіз, бұл сізге емдеу барысында нақты сұрақтар дайындауға және қоюға көмектеседі.

Терапевт (сіздің негізгі емдеуші дәрігеріңіз)

Сірә, сіз сырқаттанып қалсаңыз, бірінші кезекте, сіз терапевтке қараласыз. Тіпті емдеу басталғаннан кейін де сіз кез келген денсаулық мәселелері бойынша, бірінші кезекте, терапевтпен кеңесуіңіз мүмкін.

Гематолог

Терапевт сізді көп түрлі миеломаны емдеу жөніндегі маман – гематологқа жібереді. Гематологтар қан ауруларын диагностикалауға және емдеуге мамандандырылады.

Радиолог

Сізді радиологқа да жіберуге болады. Бұл – сәулемен емдеу әдісімен онкогематологиялық ауруларды диагностикалау мен емдеуге маманданған дәрігер.

Хирург-ортопед

Хирург-ортопед сүйектердің зақымдануын хирургиялық емдеуге маманданған және емдеу кезінде туындауы мүмкін кез келген ортопедиялық (сүйек) бұзылуларды жоюға көмектеседі.

Гематология бөлімінің мейіргері

Гематология бөлімінің мейіргерлері емдеуді үйлестіру және жүргізу үшін гематологпен бірлесіп жұмыс істеу мақсатында арнайы даярлықтан өтеді.

Әлеуметтік қызметкер

Әлеуметтік қызметкер сізге эмоциялық, физикалық немесе қаржылық қиындықтарды жеңуге көмектесе алады. Ол сізге қолжетімді көрсетілетін практикалық қолдау қызметтері туралы да кеңес бере алады.

Психиатрлар мен психологтар

Көптеген миеломамен өмір сүру, соның ішінде эмоциялық тұрғыда өте қиын болуы мүмкін ⁴. Ондай жағдайларда маманның, психиатрдың немесе психологтың кеңесі пайдалы болуы мүмкін.

Психиатр мен психолог арасындағы айырмашылық неде?

Психиатр – бұл психикалық ауруларды диагностикалауға және емдеуге маманданған дәрігер. Психиатрлар, қажет болған жағдайда, антидепрессанттар сияқты дәрілік препараттарды тағайындай алады.

Психолог дәрігер емес. Ол психологияға және психологиялық көмек көрсетуге мамандандырылады. Психолог дәрілік препараттарды тағайындай алмайды.

Диетологтар мен тамақтану жөніндегі мамандар

Көп түрлі миелома және оны емдеу ас ішу кезіндегі қиындықтармен байланысты болуы мүмкін. Білікті диетолог сізге емдеу кезеңінде ең салаутты тамақтану рационын таңдауға көмектеседі ⁴. Диетолог, егер сізде келесі жағымсыз құбылыстар:

жүрек айну,
құсу,
тәбет төмендеуі,
ауыз кеберсуі немесе стоматит

байқалса, сізге қандай тағамдар мен сусындардың сай келетінін анықтауға көмектеседі.

Фармацевт

Фармацевт тек дәрілік препараттарды беріп қана қоймай, олар туралы пайдалы ақпаратты да ұсына алады. Ол келесі:

дәрілік препараттарды қашан және қалай қабылдау керек;
қандай жанама әсерлерді күтуге болады деген сұрақтарға жауап бере алады;
жанама әсерлер дамығанда не істеу керектігі туралы тек дәрігер ақпарат бере алады.

Стоматолог

Миелома сүйек жүйесінің күйіне әсер ететіндіктен, жақсүйек пен тіс зақымдануы мүмкін ⁴.

Егер сіздің тіс дәрігеріңіз көп түрлі миеломасы бар пациенттердің ерекше қажеттіліктері туралы мағлұматтанбаған болса, оған сіз қабылдап жүрген препараттар туралы әңгімелеңіз немесе оған қажетті емдеуді талапқа сай жоспарлау үшін өзіңіздің емдеуші дәрігер-маманыңыздың байланыс деректерін беріңіз.

Емдеу мақсаты

Көп түрлі миелома әлі күнге дейін емделмейтін ауру болып саналса да, қазіргі күндері аурудың ағымын бақылау әдістері, бұрынғыға қарағанда, әлдеқайда тиімді ¹⁴.

Көп түрлі миеломаны емдеу үш негізгі мақсатқа жетуге бағытталған¹⁴:

Миеломаның үдеуін тоқтату немесе баяулату. Ремиссияға (аурудың симптомдары жартылай немесе толығымен жойылатын кезеңдер) қол жеткізу және оның ұзақтығын арттыру. Пациенттің өмір сүру сапасын, мысалы, симптомдар айқындылығын төмендету есебінен арттыру.

Көптеген емдеу әдістерінің осы мақсаттардың кейбіріне (немесе барлығына) қол жеткізуге мүмкіндік беретініне қарамастан, көп түрлі миеломасы бар пациенттердің көпшілігінде қайталануларының жоғары жиілігі байқалады. Бұл миеломаның белгілері мен симптомдарының жақсару кезеңінен кейін кенеттен қайта пайда болатынын білдіреді¹⁴. Қайталану пациенттің емнің осы немесе өзге түріне жауап беруді тоқтатқанын көрсетуі мүмкін. Бұл жағдайда ауру емнің осы түріне рефрактерлі болып бағаланады⁴.

Тиімді емдеу әдістері:

қайталанулардың алдын алуға мүмкіндік береді;
асқынулардың даму жиілігін төмендетеді;
пациенттердің өмір сүру ұзақтығын барынша арттырады¹.

Асқынулардың даму жиілігінің төмендеуі:

Онкологиялық аурудың организмге әсерін шектеу;
ісіктің таралуын болдырмау;
сүйектердің беріктігін сақтау, бұл ұзақ уақыт бойы өте жақсы хал-ахуалда болуды қамтамасыз етеді¹.

Көп түрлі миеломаны емдеу әдістері

Көп түрлі миеломаны емдеу әдістерін жалпы мынадай топтарға бөлуге болады:¹⁷

миеломаны емдеуге арналған препараттар,
химиялық ем (екі типі),
дің жасушаларын трансплантациялау.

Миелома типі мен жалпы денсаулық жағдайыңызға және физикалық пішініңізге қарай, сіз төменде көрсетілген кейбір (немесе барлық) әдістерді қолданумен ем қабылдайтын боласыз. Ең жоғары әсеріне жету үшін көбіне бірнеше емдеу әдістерін біріктіру қолданылады¹⁴. Біріктірілген емнің типтес түрлері туралы толық ақпарат төменде ұсынылған.

Миеломаны емдеуге арналған препараттар

Соңғы жылдары бірқатар жаңа препараттар әзірленді. Осындай препараттар біріктірілімдерін қолдану миеломаны емдеу тиімділігін арттыруға және өмір сүру ұзақтығының едәуір жалғасуына мүмкіндік берді⁸. Бұл препараттарды төрт негізгі санатқа бөлуге болады:

Протеасомалар тежегіштері (ПТ)⁷

Қалыпты жасушада ақуыздардың ыдырауына протеасомалар ретінде белгілі шағын түзілімдер жауап береді. Олар пайдаланылған ақуыздардың қайта өңделуі жүретін «қоқыс жинағыш» қызметін атқарады.

Жеделдетілген метаболизммен сипатталатын ісік жасушалары қызметін атқаруды жалғастыру үшін протеасомаларды аса белсенді пайдаланады.

Иммуномодуляторлар

Бұл препараттар ісік жасушаларына тікелей әсер етеді және иммундық жүйенің белгілі бір компоненттерінің жұмысын реттейді. Олар кейбір иммундық жасушаларды белсендіріп, ісік жасушаларының көбеюінен хабар беретін белгілі бір дабылдардың іске қосылуын болдырмайды.

Осылайша иммундық жүйенің жұмысын «түрлендіріп», олар ісікпен күресу үшін ішкі қорғаныс механизмдерін пайдаланады.⁹¹⁰

Моноклонды антиденелер⁷

Бұл антиденелер ісік жасушаларын жою мақсатында организмнің өзіндік иммундық жүйесін іске қосу үшін иммунотерапияда қолданылады. Олар жоғары бағытталған әсерге ие болады және ісік жасушаларының жақтауларында белгілі бір ақуыздармен байланысады. Нәтижесінде иммундық жүйе осы жасушаларды таниды және оларға шабуылдайды.

Басқа препараттар

Кортикостероидтар, жоғары дозаларда пайдалану кезінде өзінің миелома жасушаларын жою қабілетінің арқасында, көп жыл бойы миеломаны емдеуге қолданылады.

Гистондеацетилаза тежегіштері белгілі бір ферменттерге әсер ету есебінен жасушаларды жояды, бұл ісік жасушаларының генетикалық құрылымын әлсіретеді⁹.

Жоғары дозалық химиялық ем және аутотрансплантация¹¹¹²

Химиялық еммен байланысты мәселелердің бірі жоғары дозаларда оның сүйек кемігінің дің жасушаларының жоюына әкелуімен жүзеге асады. Тап осы жасушалардан қан жасушалары түзіледі, сондықтан олар жақсы хал-ахуалда болу үшін қатер шекті маңызды мән иеленеді.

Бұл мәселені кейіннен қажет болғанда олардың трансплантациясын жасау үшін жоғары дозалық химиялық емнің басталуына дейін пациенттен дің жасушаларының үлгісін алып, шешуге болады.

Ауыстырып салу үшін пациенттің өзіндік жасушалары пайдаланылатындықтан, осы емшара «аутологиялық дің жасушаларын трансплантациялау» деп аталады.

Аутологиялық дің жасушаларын трансплантациялау сатылары

Диагностика

Трансплантацияға дейінгі фаза:

Трансплантацияға дайындық

Индукциялау емі

Аферез – дің жасушаларын көтермелеу және жинау

Жинаудан кейінгі аралық: бірнеше күннен бірнеше айға дейін

2 күн және 1 күн. Жоғары дозалық химиялық ем

Трансплантациялау фазасы:

0 күн Дің жасушаларын инфузиялау

Трансплантациядан кейінгі фаза

+17 күн — +28 күн

Қан формулаларын қалпына келтіру

Ауру ағымын мониторингтеу
ауруханадан шығару

Болжамды демеуші ем

+100 күн

Бағалау

Индукциялық ем

Бұл – пациент организмінен миелома жасушаларының көпшілігін шығарып тастауға бағытталған бастапқы ем.

Дің жасушаларын жинау

Дің жасушалары барлық қан жасушаларының: эритроциттер, лейкоциттер және тромбоциттердің түзілуіне арналған материал қызметін атқарады. Индукциялық емнен кейін пациенттер 5-7 күн ішінде «өсу факторын» (жасушалардың көбеюін көтермелейтін табиғи заттың синтетикалық пішіні) алады, бұл дің жасушаларының көбеюіне ықпал етеді. Осылайша, дің жасушалары қан ағымына келіп түседі, бұл аферез ретінде белгілі емшара көмегімен оларды жинау мүмкіндігін қамтамасыз етеді.

Аферез

Дің жасушаларын жинау үшін бір қолдан қан үлгісін жинап алады және оны қан жасушаларының бөлінісі жүретін аферезге арналған аппарат арқылы өткізеді. Дің жасушалары жиналады және зертханаға жөнелтіледі, онда келешекте қажет болғанда пайдалану үшін олар өңдеуден өткізіледі және мұздатып қатырылады. Алынған қан үлгісінің қалдығын пациентке кері (екінші қолға) құяды. Аферез емшарасы 4 сағатқа жуық уақыт алады және амбулаториялық немесе стационарлық жолмен орындалады, ауруханаға жатқызу ұзаққа созылмайды.

Жоғары дозалық химиялық ем

Дің жасушаларын жинаудан соң пациенттер жоғары дозалық химиялық ем қабылдайды. Осындай химиялық ем жоғары уыттылығымен сипатталады. Келесі клиникалық мәнді жағымсыз әсерлері болады:

инфекциялар,
ас қорыту бұзылулары,
толық тәбет жоғалту,
стоматит,
диарея,
қан кету,
шаштың түсуі.

Осындай жағымсыз әсерлердің даму қаупін төмендету және оларды жою үшін ауруханада 2-3 апта өткізу қажет болып табылады.

Дің жасушаларын инфузиялау

Жоғары дозалық химиялық ем аяқталған соң пациентке ерте жиналған дің жасушаларын трансплантациялау жасалады. Дің жасушаларының пациенттің қан формуласын қалпына келтіруді қамтамасыз етуін жүзеге асыратын үдеріс «кіріктіру» деп аталады.

Ауыстырып салынған дің жасушаларынан қан жасушалары жеткілікті мөлшерде түзілу үшін 10-14 күн қажет болады.

Аллогенді трансплантация¹²

Осы трансплантациялау типінде дің жасушалары басқа адамнан — үйлесетін донордан (әдетте, пациенттің ағасы немесе апасы) алынады.

Аллогенді трансплантацияның мақсаты — миеломамен күресу үшін донордың иммундық жүйесінің мүмкіндігін пайдалану.

Дегенмен де, трансплантациялаудың осындай түрі белгілі бір қауіптермен қатар жүреді. Олардың ішінде ең зор маңыздысы — инфекция немесе организм тіндерінің ауыстырып салынған донор жасушаларына кері реакция беру қаупі.

Стандартты химиялық ем

Стандартты химиялық емге арналған препараттар ішке қабылданады немесе вена ішіне (тамшылатқыш көмегімен) енгізіледі. Оларды қолданудың негізгі мақсаты — обыр жасушаларын жою⁹.

Кейіннен қадағалау

Емдеу кезеңінде

Сізге дәрігер қабылдаулары жүйелі тағайындалатын болады, онда сіз өзіңізді мазалайтын жайттардың бәрін талқылай аласыз¹. Кез келген симптомдар туралы, тіпті егер олар сізге мардымсыз болып көрінсе де, мысалы табан мен қолдың басындағы сезімталдықтың біртіндеп жоғалуы жөнінде міндетті түрде хабарлаңыз. Бұл симптомдар шеткері нейропатияны (жүйкелердің зақымдануын) жиі көрсетеді. Бұл жағдайда сіздің дәрігеріңізге емдеу сызбасын түзету қажет болады.

Жоспарлы қаралудан тыс, өз емдеуші дәрігеріңізге температураның көтерілуі немесе қан кету жағдайларының бәрі жөнінде өз емдеуші дәрігеріңізге міндетті түрде мәлімдеңіз. Бұл симптомдар дереу емдеуді талап етеді.

Емдеу аяқталған соң¹⁴

Сіздің емдеуші дәрігерлеріңіз орындалған емдеу тиімділігін келесі критерийлер бойынша бағалайды:

қан мен несептегі ақуыздар деңгейінің қалып шегінен ауытқуы;
сүйек кемігі талдауларының қорытындылары;
сүйек тінінің магнитті-резонансты томография нәтижелері, қажет болса, қосымша ПЭТ және рентгенологиялық зерттеумен.

Бұл тексерулер ремиссияның толықтығын бағалауға мүмкіндік береді. Ремиссия толықтығы жоғары болған сайын оның ұзақтығы да көпке созылады.

Емдеуден кейін

Қан және несеп талдауының қорытындылары негізінде өз емдеуші дәрігеріңіз сізге қаншалықты жиі тексеруден өту керектігін белгілейді. Мазасыздық тудыратын дене температурасының көтерілуі және ауыру сияқты симптомдар пайда болғанда осындай жоспарлы қаралулар арасында өз емдеуші дәрігеріңізбен байланысты болуы аса маңызды. Ондай жағдайларда келесі жоспарлы тексеруді күтпей-ақ дереу дәрігерге қаралу керек.

Көп түрлі миелома дегеніміз не?

Организмдегі әрбір сау жасуша белгілі бір қағидаларға бағынады, атап айтқанда:

тек қажет болғанда бөлінеді;
қашан керек болғанда өзгереді;
организмге осы қажет болғанда өліп қалады¹³.

Өкінішке орай, ісік жасушалары осы қағидалардың бәрін бұзады, атап айтқанда:

керек емес уақытта бөлінеді;
керек емес жерде бөлінеді;
дамуы өзінің қалыпты қызмет атқаруы үшін талап етілетін сипатта емес¹³.

Көп түрлі миелома — бұл антиденелер

өндіруге қабілетті плазмалық жасушалардан, сүйек кемігінің лимфоциттерінен дамитын қатерлі ісік. Ісіктің плазмалық жасушалары миелома жасушалары деп аталады.¹² Көп түрлі миелома ісік, сүйек зақымдануы немесе екеуінің де пішінінде көрініс беруі мүмкін. Сүйектің зақымданған бөлігі сүйек ошағы болып аталады. Көп түрлі миелома ересек адамның сүйек кемігі ерекше белсенді болатын сүйектерде дамиды.¹²

Миелома, ол бірнеше сүйектің зақымдануына түрткі болатындықтан, «көп түрлі» болып аталады¹⁴³.

Миелома бәрінен жиірек сүйек кемігін зақымдайды ¹⁴³:

омыртқа сүйектері,
бассүйек сүйектері,
жамбас сүйектері,
кеуде қуысының сүйектері,
иық және ұршық буындары пішінделетін сүйектер.

Аталған ауру, әдетте, қол басының, табанның, білектің және сирақтың сүйектеріне қатысты болмайды³.

Сүйек кемігінде миелома жасушалары денсаулықтың бірқатар бұзылуларының дамуына алып келеді.

Зақымданған сүйектен кальцийдің босап шығуы және оның қан ағымына түсуі мыналарға себеп болуы мүмкін:

шөлдеу,
жүрек айну,
құсу,
сананың шатасуы,
іш қату сезімдері¹⁴³.

Аномалиялық антиденелердің бір түрінің шамадан тыс түзілуі

Сүйек тінін пішіндейтін және ыдырататын жасушалар арақатынасының бұзылуы

М ақуызы ретінде белгілі, қан ағымының нашарлауына және бүйректің зақымдануына алып келуі мүмкін¹².

(остеобласттар мен остеокласттар), оның тығыздығының төмендеуіне және сүйектердің зақымдануына әкелуі мүмкін²³

Эритроциттер санының төмендеуі, өз кезегінде, әлсіздік пен шаршау

Лейкоциттер санының төмендеуі инфекциялық аурулардың даму қаупін арттыруы,

сезімін туындататын анемия дамуына себеп болуы мүмкін¹².

сондай-ақ осындай ауруар кезінде сауығуды баяулатуы мүмкін ¹².

Осы бетінде